Հյուսիսամերիկյան ՄԼՍ-ում հանդես եկող «Ինտեր Մայամի» ֆուտբոլային ակումբը հայտարարել է 31-ամյա անգլիացի պաշտպան Քիրան Գիբզի հետ պայմանագիր կնքելու մասին։
2021թ․ հուլիսի 1-ին կավարտվի Գիբզի պայմանագիրն անգլիական «Վեստ Բրոմվիչ Ալբիոնի» հետ եւ նա ազատ գործակալի կարգավիճակում կմիանա «Ինտեր Մայամիին», որի համասեփականատերերից է Անգլիայի հավաքականի նախկին ֆուտբոլիստը Դեւիդ Բեքհեմը։
Գիբզի պայմանագիրը նախատեսված է մինչեւ 2023թ․ դեկտեմբերի 31-ը, հաղորդում է ամերիկյան ակումբի պաշտոնական կայքը։
Անգլիայի ընթացիկ առաջնությունում Գիբզը կորցրել է տեղը «Վեստ Բրոմվիչի» մեկնարկային կազմում եւ անցկացրել է 10 հանդիպում։ Նա 2017թ․ օգոստոսին է Լոնդոնի «Արսենալից» տեղափոխվել «Վեստ Բրոմվիչ» 7,5 միլիոն եվրոյով։
Գիբզը «Արսենալի» հետ դարձել է Անգլիայի եռակի գավաթակիր։ Նա 10 հանդիպում է անցկացրել Անգլիայի հավաքականում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։