Սլավիկ Հայրապետյանը կորոնավիրուսի պատճառով չի մասնակցի ԱԱ-ին

12:07   22 մարտի, 2021

Սլավիկ Հայրապետյանը չի մասնակցի մարտի 24-ից 28-ը Շվեդիայի մայրաքաղաք Ստոքհոլմում կայանալիք գեղասահքի աշխարհի առաջնությանը: Հայաստանի առաջատար գեղասահորդի մոտ կորոնավիրուս է հայտնաբերվել: Այդ մասին 25-ամյա մարզիկը հայտնեց NEWS.am Sport-ի թղթակցի հետ զրույցում:

«Աշխարհի առաջնության մասնակցությանս հետ կապված խնդիր կար սկզբից, բայց ֆեդերացիայի եւ բոլորիս ջանքերով վիզայի հետ կապված խնդիրը լուծվեց եւ մարտի 21-ին արդեն պետք է մեկնեի մրցավայր։ Բայց վերջին պահին կորոնավիրուսի թեստը դրական եկավ։ Սկզբում չհավատացի, եւս երկու թեստ հանձնեցի, բոլորը՝ դրական։ Շատ լավ էի պատրաստվել աշխարհի առաջնությանը, իդեալական վիճակում էի։ Ստիպված բաց եմ թողնում»,- ասաց Սլավիկ Հայրապետյանը։

Վնասվածքի պատճառով աշխարհի առաջնության չի մասնակցի նաեւ կանանց մենասահքի առաջատար Անաստասիա Գալուստյանը։ Նա սոցցանցերում երկրպագուներին շնորհակալություն է հայտնել աջակցության համար: 

ԱԱ-ում Հայաստանը կներկայացնի միայն Թինա Կարապետյան - Սիմոն Պրոուքս Սենեկալ պարային զույգը:

Լուսինե Շահբազյան

View this post on Instagram

A post shared by ☀️ANASTASIA GALUSTYAN☀️ (@anastasiagalustyan)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։