Շվեյցարական Նիոնում մարտի 19-ին տեղի ունեցավ ֆուտբոլի Չեմպիոնների լիգայի քառորդ եզրափակիչի ու կիսաեզրափակիչի վիճակահանությունը:
Մրցաշարի գործող գավաթակիր Մյունխենի «Բավարիան» քառորդ եզրափակիչում ուժերը կչափի ֆրանսիական ՊՍԺ-ի հետ, իսկ Մադրիդի «Ռեալին» բաժին հասավ Անգլիայի չեմպիոն «Լիվերպուլը»:
Անգլիական «Մանչեսթեր Սիթին» կխաղա Դորտմունդ «Բորուսիայի» հետ, իսկ Լոնդոնի «Չելսիի» մրցակիցը կլինի Թուրինի «Յուվենտուսին» պայքարից դուրս թողած պորտուգալական «Պորտուն»:
«Բավարիա» – ՊՍԺ դիմակայության հաղթողը կիսաեզրափակիչում կհանդիպի «Մանչեսթեր Սիթի» – «Բորուսիա» զույգի հաղթողին:
Քառորդ եզրափակիչի առաջին հանդիպումները տեղի կունենան ապրիլի 6-ին ու 7-ին, իսկ պատասխան խաղերը՝ ապրիլի 13-ին ու 14-ին:
Չեմպիոնների լիգա, քառորդ եզրափակիչ
«Մանչեսթեր Սիթի» (Անգլիա) – «Բորուսիա Դորտմունդ» (Գերմանիա)
«Պորտու» (Պորտուգալիա) – «Չելսի» (Անգլիա)
«Բավարիա» (Գերմանիա) – ՊՍԺ (Ֆրանսիա)
«Ռեալ» (Իսպանիա) – «Լիվերպուլ» (Անգլիա)
Առաջինը նշված թիմերն առաջին խաղերը կանցկացնեն տանը
Կիսաեզրափակիչ
«Բավարիա»/ՊՍԺ – «Մանչեսթեր Սիթի»/«Բորուսիա Դորտմունդ»
«Ռեալ»/«Լիվերպուլ» – «Պորտու»/«Չելսի»
Quarter-finals set
— UEFA Champions League (@ChampionsLeague) March 19, 2021
Plot your own path to the final and decide who lifts the trophy in Istanbul... #UCLbracket | @GazpromFootball | #UCL
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։