Մյունխենի «Բավարիան», Չեմպիոնների լիգայի 1/8 եզրափակիչի պատասխան խաղում 2:1 հաշվով հաղթելով իտալական «Լացիոյին», սահմանել է ռեկորդ:
Գերմանիայի չեմպիոնը պատմության մեջ 19-րդ անգամ է դուրս գալիս Չեմպիոնների լիգայի քառորդ եզրափակիչ: Այդ ցուցանիշով նախորդ ռեկորդակիրն էր կատալոնական «Բարսելոնան», որը 18 անգամ է նվաճել քառորդ եզրափակիչի ուղեգիր, հայտնում է Bild-ը:
Կամերունցի հարձակվող Էրիկ-Մաքսիմ Շուպո-Մոտինգը «Լացիոյի» դեմ խաղում խփել է «Բավարիայի» 1000-րդ գոլը եվրագավաթներում: Այդ ցուցանիշով մյունխենցիներին գերազանցում են միայն «Բարսելոնան» (1138 գոլ) և Մադրիդի «Ռեալը» (1169 գոլ):
Բացի այդ, Չեմպիոնների լիգայում «Բավարիան» տարավ 150-րդ հաղթանակը:
Հիշեցնենք, որ Չեմպիոնների լիգայի քառորդ եզրափակիչի վիճակահանությունը տեղի կունենա մարտի 19-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։