Մագնուս Կարլսենն ուժեղ էր Լևոն Արոնյանից (ֆոտո)

Meltwater Champions Chess Tour-ի արագ շախմատի Magnus Carlsen Invitational մրցաշարի քառորդ եզրափակիչի առաջին խաղային օրը Լևոն Արոնյանը 0.5:2.5 հաշվով պարտվեց աշխարհի գործող չեմպիոն, նորվեգացի Մագնուս Կարլսենին:

Առաջին ու երկրորդ պարտիաներում ՖԻՖԵ-ի առաջատարը հասավ հաղթանակի, երրորդում գրանցվեց ոչ ոքի, ինչից հետո չորրորդ պարտիայի անհրաժեշտություն չեղավ:

Քառորդ եզրափակիչի երկրորդ խաղային օրը կանցկացվի մարտի 17-ին: Գրոսմայստերները կանցկացնեն 3-4 պարտիա:

Մրցաշարի նախնական փուլում Լևոն Արոնյանը 15 տուրերում վաստակել էր 8 միավոր 16 մասնակիցների մեջ 8-րդ տեղով դուրս եկել փլեյ-օֆֆ: Կարլսենը 10.5 միավորով գրավել էր առաջին տեղը:

Մրցաշարի մրցանակային հիմնադրամը 220 հազար դոլար է։

Հիշեցնենք, որ Լևոն Արոնյանն առաջին մրցաշարն է անցկացնում Հայաստանի դրոշի ներքո հանդես գալուց հրաժարվելուց հետո: Սակայն այս մրցաշարում նա դեռ չի ներկայացնում ԱՄՆ-ը և հանդես է գալիս Հայաստանի դրոշի ներքո:

It was a shaky game, but Wesley So joins Magnus Carlsen in clinching a match win on Day 1 of the #MagnusInvitational Quarterfinals with a game to spare! Giri-MVL and Nakamura-Nepo are level going into the final games todayhttps://t.co/6RamVEcV3p #ChessChamps pic.twitter.com/np4wwyRgCK

— chess24.com (@chess24com) March 16, 2021