ՈւԵՖԱ-ն ներկայացրել է ֆուտբոլի Չեմպիոնների լիգայի 1/8 եզրափակիչում մարտի 16-ին և 17-ին կայանալիք պատասխան հանդիպումների մրցավարներին:
Իսպանիայի չեմպիոն «Ռեալը» և իտալական «Ատալանտան» Մադրիդում կխաղան հոլանդացի Դանի Մակելիի մրցավարությամբ:
Անգլիական «Մանչեսթեր Սիթիի» ու Մյունխենգլադբախի «Բորուսիայի» միջև Հունգարիայի մայրաքաղաք Բուդապեշտի «Պուշկաշ Արենա» ստադիոնում կայանալիք հանդիպման գլխավոր մրցավարն է ռուս Սերգեյ Կարասյովը:
Լոնդոնում անցկացվելիք «Չելսի» - «Աթլետիկո» խաղի գլխավոր մրցավար է նշանակվել իտալացի Դանիելե Օրսատոն:
Մյունխենի «Բավարիայի» ու իտալական «Լացիոյի» միջև հանդիպումը կսպասարկի ռումինացի Իստվան Կովաչի մրցավարական բրիգադը:
Հիշեցնենք, որ առաջին խաղում «Բավարիան» հաղթել է 4:1 հաշվով, «Ռեալը»՝ 1:0, «Մանչեսթեր Սիթին»՝ 2։0, իսկ «Չելսին»՝ 1:0։
Լուսանկարում՝ Դանի Մակելիե
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։