«Լոռի». Լիահույս ենք, որ այսօր ՀՖՖ գրասենյակում կայացվելու են բացառապես անաչառ և արդար խաղի կանոններին հարիր որոշումներ
15:12 12 մարտի, 2021Ֆուտբոլի Հայաստանի Պրեմիեր լիգայի ներկայացուցիչ Վանաձորի «Լոռին» հանդես է եկել հայտարարությամբ:
««Լոռի ՖԱ»-ն 2020 թվականի օգոստոսին դիմել էր ՀՖՖ բողոքարկման կոմիտե՝ ԲԽ 1-ին տուրի «Ուրարտու» - «Լոռի ՖԱ» խաղի վերաբերյալ ՀՖՖ կարգապահական կոմիտեի որոշումը («Լոռի ՖԱ»-ին գրանցել տեխնիկական պարտություն)՝ COVID-19-ով պայմանավորված բեկանելու համար։
Ակումբը նաեւ սույն թվականի մարտի 2-ին դիմել էր ՀՖՖ բողոքարկման կոմիտե՝ ԲԽ 7-րդ տուրից հետաձգված «Լոռի ՖԱ» - «Ալաշկերտ» խաղում ֆուտբոլ խաղի կանոնների խախտման (4-րդ դադարով փոփոխություն կատարելու համար) պատճառով հյուր թիմին տեխնիկական պարտություն գրանցելու նպատակով։
Այսօր երեկոյան տեղի է ունենալու ՀՖՖ բողոքարկման կոմիտեի նիստը, որի ընթացքում քննարկվելու են վերոնշյալ երկու հարցերը։ «Լոռի ՖԱ» ներկայացուցիչները մասնակցելու են լսումներին։
«Լոռի ՖԱ»-ն լիահույս է, որ այսօր ՀՖՖ գրասենյակում կայացվելու են բացառապես անաչառ եւ արդար խաղի կանոններին հարիր որոշումներ»,- ասվում է հայտարարությունում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.