Հայտնի է ֆուտզալի Հայաստանի ազգային հավաքականի մեկնարկային կազմը վրացիների դեմ Եվրո-2022-ի ընտրական մրցաշարի չորրորդ տուրի խաղում:
Հայաստան. Ռոբերտ Բոյարկին («Ռոստով», Ռուսաստան), Նիկիտա Խրոմիխ («Դինամո Սամարա», Ռուսաստան) Վլադիմիր Սանոսյան («Դինամո Սամարա», Ռուսաստան), Դենիս Նևեդրով («Տյումեն», Ռուսաստան), Արթուր Մելքոնյան («Ստոլիցա», Բելառուս):
Մարտի 10-ին Ավանի Ֆուտբոլի ակադեմիայի խաղահրապարակում անցկացվելիք հանդիպումը կսկսվի ժամը 17:00-ին: ՀՖՖ-ի յութուբյան ալիքը ներկայացնում է խաղի ուղիղ հեռարձակումը:
Ռուբեն Նազարեթյանի գլխավորած թիմը 5 օր առաջ Թբիլիսիում 0:5 հաշվով պարտվել է Վրաստանի հավաքականին:
Հիշեցնենք, որ Եվրո-2022-ի ընտրական մրցաշարի մեկնարկային 2 խաղերում Հայաստանի հավաքականը պարտվել էր աշխարհի փոխչեմպիոն Ռուսաստանին (0:6) ու ոչ ոքի խաղացել Ֆրանսիայի հավաքականի հետ (4:4), որին Երևանում տեղի ունեցած խաղի ընթացքում հաղթում էր 3:0 հաշվով: Վրացիները 0:4 հաշվով պարտվել էին Ռուսաստանին, իսկ Ֆրանսիայի դեմ հանդիպումն ավարտել էին 4:4 հաշվով:
Ֆոտո՝ ՀՖՖ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։