Ստեպանենկո. Եթե ես պրոֆեսիոնալ եմ, ապա Մխիթարյանը սուպերպրոֆեսիոնալ է

14:12   10 մարտի, 2021

Ուկրաինական «Շախտյորի» կիսապաշտպան Տարաս Ստեպանենկոն «Ռոմայի» դեմ ֆուտբոլի Եվրոպայի լիգայի 1/8 եզրափակիչի առաջին հանդիպումից առաջ խոսել է Հայաստանի ազգային հավաքականի ու իտալական ակումբի խաղացող Հենրիխ Մխիթարյանի մասին:

«Եթե ես պրոֆեսիոնալ եմ, ապա Մխիթարյանը սուպերպրոֆեսիոնալ է: Ահա, թե ինչու է նա տպավորիչ հաջողությունների հասել Գերմանիայում ու Անգլիայում: Մենք լավ ենք ճանաչում իրար, քանի որ նույն տարիքի ենք: Կարելի է ասել, միասին ենք մեծացել: Վիճակահանությունից հետո զրուցել ենք, ես նրա մարզաշապիկն եմ խնդրել իմ անձնական թանգարանի համար»,- ուկրաինացի ֆուտբոլիստի խոսքը մեջբերում է Corriere dello Sport-ը:

«Ռոմայի» ու «Շախտյորի» միջև առաջին խաղը տեղի կունենա մարտի 11-ին Հռոմում:

Հիշեցնենք, որ նախորդ փուլում «Ռոման» պայքարից դուրս էր թողել պորտուգալական «Բրագային», իսկ «Շախտյորն» ուժեղ էր գտնվել Թել Ավիվի «Մաքաբիից»: «Ռոմայի» գլխավոր մարզիչ Պաուլու Ֆոնսեկան 2015-2016-ը գլխավորել է «Բրագան», իսկ 2016-2019-ը՝ «Շախտյորը»:

Հենրիխ Մխիթարյանը «Շախտյորում» խաղացել է 2010-2013-ը:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.