«Աթլետիկոն» ու «Ռեալը» խաղացին ոչ ոքի (ֆոտո, վիդեո)
21:10 7 մարտի, 2021Իսպանիայի առաջնության 26-րդ տուրում չեմպիոն «Ռեալը» հյուրընկալվեց առաջատար «Աթլետիկոյին»։ Գրանցվեց ոչ ոքի՝ 1։1։
Առաջինը հաջողության հասան արգենտինացի Դիեգո Սիմեոնեի գլխավորած թիմի ֆուտբոլիստները։
15-րդ րոպեին իսպանացի կիսապաշտպան Մարկոս Լիորենտեի փոխանցումից հետո բելգիացի Տիբո Կուրտուայի պաշտպանած դարպասը գրավեց ուրուգվայցի հարձակվող Լուիս Սուարեսը։
Ֆրանսիացի Զինեդին Զիդանի գլխավորած թիմը պարտությունից խուսափեց վերջնամասում ֆրանսիացի հարձակվող Քարիմ Բենզեմայի գոլի շնորհիվ։ Գերազանց գոլային փոխանցումը կատարեց բրազիլացի կիսապաշտպան Կազեմիրոն։
«Աթլետիկոն» 25 խաղում վաստակել է 59 միավոր եւ 3 միավոր առաջ է երկրորդ տեղում ընթացող «Բարսելոնայից» (26 խաղ)։ «Ռեալը» (26 խաղ) երրորդն է՝ 54 միավոր։
Իսպանիայի առաջնություն, 26-րդ տուր
«Աթլետիկո» - «Ռեալ»՝ 1։1 (տեսանյութ)
Լուիս Սուարես, 15 - Քարիմ Բենզեմա, 88
¡Primer GOL de Luis Suárez en el derbi de Madrid! #AtletiRealMadrid#LaLigaSantander pic.twitter.com/aIK4sSE0gJ
— LaLiga (@LaLiga) March 7, 2021
KB#AtletiRealMadrid#LaLigaSantander pic.twitter.com/s65SU3jsvM
— LaLiga (@LaLiga) March 7, 2021
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։