«Դինամոյի» հաղթանակը, Արսեն Զախարյանի գոլային փոխանցումը
19:24 7 մարտի, 2021Ռուսաստանի առաջնության 21-րդ տուրում «Դինամոն» ընդունեց «Տամբովին»։
Մեկնարկից առաջ թիմերը լռության րոպեով հարգեցին մարտի 3-ին 59 տարեկանում մահացած հայտնի ռուսաստանցի մարզական մեկնաբան Յուրի Ռոզանովի հիշատակը։
Գերմանացի Սանդրո Շվարցի գլխավորած թիմն առավելության հասավ 2։0 հաշվով։ 38-րդ րոպեին աչքի ընկավ 21-ամյա ռուսաստանցի կիսապաշտպան Վյաչեսլավ Գրուլյովը, որն առաջին գոլը խփեց «Դինամոյի» գլխավոր թիմում։
Գոլային փոխանցումը կատարեց 17-ամյա ռուսաստանցի կիսապաշտպան Արսեն Զախարյանը, որը մոսկովյան թիմի մեկնարկային կազմում էր եւ անցկացրեց ամբողջ հանդիպումը։
90-րդ րոպեին 11 մետրանոցն արդյունավետ իրացրեց խորվաթ կիսապաշտպան Նիկոլա Մորոն։
«Տամբովի» պահեստայինների մեջ էր 18-ամյա ռուսաստանցի կիսապաշտպան Տիգրան Ավանեսյանը, որը խաղադաշտ դուրս չեկավ։
«Դինամոն» 36 միավորով չորրորդն է, «Տամբովը» եզրափակում է մրցաշարային աղյուսակը՝ 13 միավոր։
Ռուսաստանի առաջնություն, 21-րդ տուր
«Դինամո» - «Տամբով»՝ 2։0
Վյաչեսլավ Գրուլյով, 38, Նիկոլա Մորո, 90, 11մ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.