Եվրո-2022. Հայաստանի հավաքականն այսօր կմրցի Վրաստանի հետ

10:44   5 մարտի, 2021

Ֆուտզալի Հայաստանի ազգային հավաքականը մարտի 5-ին երրորդ հանդիպումը կանցկացնի Եվրո-2022-ի ընտրական մրցաշարում:

Երրորդ տուրում Ռուբեն Նազարեթյանի գլխավորած թիմը կհյուրընկալվի Վրաստանի հավաքականին: Հանդիպումը տեղի կունենա Թբիլիսիի օլիմպիական մարզապալատում և կմեկնարկի Երևանի ժամանակով 18:15-ին: Նախօրեին Հայաստանի հավաքականը նախաղային մարզում է անցկացրել մրցավայրում:

Հիշեցնենք, որ Եվրո-2022-ի ընտրական մրցաշարի մեկնարկային 2 խաղերում Հայաստանի հավաքականը պարտվել է աշխարհի փոխչեմպիոն Ռուսաստանին (0:6) ու ոչ ոքի խաղացել Ֆրանսիայի հավաքականի հետ (4:4), որին Երևանում տեղի ունեցած խաղի ընթացքում հաղթում էր 3:0 հաշվով: Վրացիները 0:4 հաշվով պարտվել են Ռուսաստանին, իսկ Ֆրանսիայի դեմ հանդիպումն ավարտվել է 4:4 հաշվով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։