Ֆուտբոլի Հայաստանի առաջին խմբի առաջնության 18-րդ տուրում առաջատար ԲԿՄԱ-ն մրցակցի խաղադաշտում ոչ ոքի խաղաց «Ուրարտու-2»-ի հետ՝ 1:1:
Հյուրերի կազմում հաշիվը 65-րդ րոպեին բացեց թիմի լավագույն ռմբարկու Ժիրայր Շաղոյանը, որը 17-րդ գոլը խփեց ընթացիկ առաջնությունում և միանձնյա գլխավորեց ռմբարկուների ցուցակը: Երկրորդ տեղում գտնվող Սերգեյ Օրլովը («Վեստ Արմենիա») խփել է 16 գոլ: «Ուրարտու-2»-ի պատասխան գոլն ավելացված ժամանակի 5-րդ րոպեին խփեց փոխարինման դուրս եկած Արայիկ Էլոյանը, որն աչքի ընկան անկյունայինի խաղարկման արդյունքում:
Այս թիմերը փետրվարի 26-ին հանդիպել էին նաև 7-րդ տուրից հետաձգված խաղում, որտեղ ԲԿՄԱ-ն հաղթել էր 7:0 հաշվով:
Ֆոտո` «Ուրարտուի» մամուլի ծառայությունը
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։