Մեծ Բրիտանիայի վարչապետն ՈւԵՖԱ-ին առաջարկել է Եվրո-2020-ն անցկացնել Անգլիայում
13:43 2 մարտի, 2021Մեծ Բրիտանիայի վարչապետ Բորիս Ջոնսոնը հայտարարել է, որ ՈւԵՖԱ-ին առաջարկվել է Եվրոպայի առաջնության եզրափակիչ մրցաշարն անցկացնել Անգլիայում:
«Մենք պատրաստ ենք հյուրընկալել նախատեսվածից շատ հանդիպումներ, այդ թվում՝ ամբողջ մրցաշարը»,- Ջոնսոնի խոսքը փոխանցում է The Sun-ը:
Նշվում է, որ Մեծ Բրիտանիայում կորոնավիրուսի դեմ պատվաստանյութի արդյունավետությունը կարող է նպաստել այդ գործընթացին:
Հիշեցնենք, որ կորոնավիրուսի համավարակի պատճառով Եվրո-2020-ը հետաձգվել էր մեկ տարով և կանցկացվի 2021 թվականի հունիսի 11-ից հուլիսի 11-ը: Եվրոպայի առաջնության եզրափակիչ մրցաշարն առաջին անգամ պետք է տեղի ունենա 12 քաղաքներում՝ Լոնդոնում, Մյունխենում, Հռոմում, Կոպենհագենում, Բուխարեստում, Ամստերդամում, Դուբլինում, Բիլբաոյում, Բուդապեշտում, Սանկտ Պետերբուրգում, Գլազգոյում եւ Բաքվում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։