ՊՍԺ-ն առաջարկ է արել Ալաբային՝ երաշխավորելով կիսապաշտպանի դիրք

Ֆրանսիայի չեմպիոն ՊՍԺ-ն առաջարկ է արել ավստրիացի պաշտպան Դավիդ Ալաբային, որի պայմանագիրը Մյունխենի «Բավարիայի» հետ կավարտվի հունիսին։ 28-ամյա ֆուտբոլիստը ցանկանում է հանդես գալ կիսապաշտպանության կենտրոնում։ Փարիզյան ակումբի նախագահ Նասել Ալ Խելաիֆին Ալաբային երաշխավորել է այդ դիրքը, հաղորդում է Sky-ը։

Ալաբային ձեռք բերելու ցանկություն ունի նաեւ Մադրիդի «Ռեալը», սակայն ֆրանսիացի Զինեդին Զիդանի գլխավորած թիմում բրազիլացի Կազեմիրոն ու գերմանացի Տոնի Կրոսը երաշխավորված տեղ ունեն կիսապաշտպանության կենտրոնում եւ ընդառաջել Ալաբային չեն կարող։

Ալաբան դեռ չի որոշել, թե որ ակումբում կշարունակի կարիերան։

Գերմանիայի ընթացիկ առաջնությունում նա մասնակցել է 22 հանդիպման, խփել 2 գոլ, կատարել 1 գոլային փոխանցում։