Կիև. Հայաստանի թիմը նվաճեց ևս 3 մեդալ
16:10 28 փետրվարի, 2021Կիևում ավարտին մոտեցող ըմբշամարտի միջազգային մրցաշարում Հայաստանի թիմը նվաճել է 3 բրոնզե մեդալ։
Հունահռոմեականների մրցաշարում բրոնզե մեդալակիր են դարձել 2020թ. Եվրոպայի չեմպիոն Գևորգ Ղարիբյանը (60 կգ) և Հրաչյա Պողոսյանը (63 կգ), իսկ Դավիթ Օվասապյանը (130 կգ) պարտվել է բրոնզե մեդալի համար պայքարում։
Սլավիկ Գալստյանը (67 կգ) սփոփիչ գոտեմարտում պարտվել է ղրղզ մրցակցի` հաղթանակը բաց թողնելով վերջին վարկյաններին։
Ազատ ոճի մրցաշարում բրոնզե մեդալ է նվաճել Հովհաննես Մխիթարյանը (86 կգ)։ Հովհաննես Մաղաքյանը (125 կգ) սփոփիչ գոտեմարտում հաղթելուց հետո պարտվել է հունգարիայի ներկայացուցիչին։
Հիշեցնենք, որ հունահռոմեականների պայքարում Մալխաս Ամոյանը (72 կգ) փետրվարի 27-ին դարձել էր ոսկե մեդալակիր, իսկ Կարապետ Չալյանը երկրորդ տեղն էր գրավել 82 կգ քաշային կարգում
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.