Չեմպիոնների լիգա. Շաբաթվա լավագույն ֆուտբոլիստը (ֆոտո)

16:37   26 փետրվարի, 2021

Մյունխենի «Բավարիայի» լեհ հարձակվող Ռոբերտ Լևանդովսկին ճանաչվել է Չեմպիոնների լիգայի 1/8 եզրափակիչի երկրորդ շաբաթվա լավագույն ֆուտբոլիստ, hաղորդում է ակումբի մամուլի ծառայությունը:

Քվեարկության արդյունքում Լևանդովսկին առաջ է անցել Մադրիդի «Աթլետիկոյին» շրջադարձ հարվածով գեղեցիկ գոլ խփած Օլիվյե Ժիրուին («Չելսի»), պորտուգալացի Ժոաո Կոնսելուն («Մանչեսթեր Սիթի») և «Ատալանտայի» դեմ խաղում միակ գոլի հեղինակ Ֆերլան Մենդին («Ռեալ»):

Հիշեցնենք, որ լեհ հարձակվողի գոլի օգնությամբ «Բավարիան» 4:1 հաշվով արտագնա հաղթանակ էր տարել «Լացիոյի» նկատմամբ:

Չեմպիոնների լիգայի ընթացիկ մրցաշարում Լևանդովսկին մասնակցել է 5 խաղի և դարձել 4 գոլի հեղինակ:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։