Օլիմպիական չեմպիոն, աշխարհի եռակի ու Եվրոպայի հնգակի չեմպիոն, Եվրոպական խաղերի հաղթող Արթուր Ալեքսանյանը հանդիպել է Արցախյան պատերազմի մասնակից վիրավոր զինվորների հետ։
Ինստագրամի միկրոբլոգում գյումրեցի ըմբիշը զինվորների հետ լուսանկար է հրապարակել:
«Մեր հերոսների հետ»,- լուսանկարին կից գրել է օլիմպիական չեմպիոնը։
Հանդիպմանը ներկա են եղել նաև հունահռոմեական ըմբշամարտի Հայաստանի հավաքականի մյուս ըմբիշները և պրոֆեսիոնալ բռնցքամարտի թեթևագույն քաշային կարգում աշխարհի նախկին բացարձակ չեմպիոն Վիկ Դարչինյանը:
NEWS.am Sport-ի թղթակցի հետ զրույցում Արթուր Ալեքսանյանը մանրամասներ է հայտնել։
«Զինվորների հետ հանդիպումը տեղի է ունեցել Ծաղկաձորի մարզաբազայում։ Մեր հերոսները մի քանի օր կանցկացնեն բազայում։ Բոլորը պատերազմի մասնակիցներ են»,- ասել է 29-ամյա ըմբիշը։
Հիշեցնենք, որ Արթուր Ալեքսանյանն այս օրերին Հայաստանի եւ Բուլղարիայի հավաքականների հետ վերջին մարզումներն է անցնում փետրվարի 25-28-ը Կիեւում տեղի ունենալիք միջազգային մրցաշարից առաջ։ Թիմերը մրցավայր կմեկնեն փետրվարի 23-ին։
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։