AusOpen. Ցիցիպասը հաղթեց Նադալին և դարձավ կիսաեզրափակիչի վերջին մասնակիցը
16:55 17 փետրվարի, 2021Աշխարհի 6-րդ ռակետ Ստեֆանոս Ցիցիպասը դարձավ Մելբուրնում շարունակվող թենիսի Ավստրալիայի բաց առաջնության կիսաեզրափակիչի վերջին մասնակիցը:
Քառորդ եզրափակիչում հույն թենիսիստը 5 սեթում կամային հաղթանակ տարավ աշխարհի երկրորդ ռակետ Ռաֆայել Նադալի նկատմամբ: Առաջին ու երկրորդ սեթերում 34-ամյա իսպանացի թենիսիստը հաղթեց 6:3, 6:2 հաշվով, սակայն հաջորդ սեթերում Ցիցիպասն ավելի ուժեղ գտնվեց՝ 7:6, 6:4, 7:5: Մրցախաղը տևեց 4 ժամ 8 րոպե:
Կարիերայում երկրորդ անգամ Ստեֆանոս Ցիցիպասը «Մեծ սաղավարտի» մրցաշարում հաղթանակի հասավ 0:2 հաշվից հետո:
Կիսաեզրափակիչում 22-ամյա Ցիցիպասի մրցակիցը կլինի ռուս Դանիիլ Մեդվեդևը, որը պայքարից դուրս թողեց իր հայրենակից Անդրեյ Ռուբլյովին՝ 7:5, 6:3, 6:2:
Հիշեցնենք, որ եզրափակիչի մյուս ուղեգիրը կվիճարկեն աշխարհի առաջին ռակետ Նովակ Ջոկովիչը և առաջին անգամ «Մեծ սաղավարտի» մրցաշարի կիսաեզրափակիչ դուրս եկած ռուս Ասլան Կարացևը: Ջոկովիչն Australian Open-ի գործող հաղթողն է:
Comeback complete @steftsitsipas comes from two sets to love down to advance to his second #AusOpen semifinal.#AO2021 pic.twitter.com/8A9bkUwo26
— #AusOpen (@AustralianOpen) February 17, 2021
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.