Ալոնսոն դուրս է գրվել հիվանդանոցից (ֆոտո)

Ֆորմուլա-1-ի կրկնակի չեմպիոն Ֆերնանդո Ալոնսոն դուրս է գրվել հիվանդանոցից: Օրեր առաջ իսպանացի արշավորդը Շվեյցարիայում հեծանվային մարզման ժամանակ դարձել էր պատահարի մասնակից: Լուգանո քաղաքի մոտ նրան հարվածել էր մեքենա: 39-ամյա մարզիկը տեղափոխվել էր հիվանդանոց, որտեղ վիրահատվել է:

Deportes Cuatro-ի համաձայն՝ Ալոնսոն կօգտագործի հատուկ սաղավարտ ծնոտի ու ատամների վերականգնման համար: Դա պետք է թույլատրի Ավտոմոբիլային միջազգային ֆեդերացիան: Սպասվում է, որ իսպանացին կանցնի վերականգնողական արագացված փուլ և պատրաստ կլինի մրցաշրջանի մեկնարկին:

Հիշեցնենք, որ նոր մրցաշրջանում իսպանացին հանդես է գալու «Ռենո» թիմի կազմում: 2018-ին Ալոնսոն հեռացել էր Ֆորմուլա-1-ից «Մաքլարենում» անցկացրած 4 մրցաշրջաններից հետո: Նախկինում նա հանդես է եկել նաև «Ռենոյում» ու «Ֆերարիում», իսկ Ֆորմուլա-1-ի չեմպիոնի տիտղոսը նվաճել է 2005-ին ու 2006-ին:

 ¡La primera imagen de Fernando Alonso tras el accidente! El piloto asturiano abandona ya el hospital https://t.co/zpazjyrsUX pic.twitter.com/pBduM6v0Ln

— Deportes Cuatro (@DeportesCuatro) February 15, 2021