Ֆորմուլա-1-ի կրկնակի չեմպիոն Ֆերնանդո Ալոնսոն պատմել է ինքնազգացողության մասին: Ավելի վաղ իսպանացի արշավորդը Շվեյցարիայում հեծանվային մարզման ժամանակ դարձել էր պատահարի մասնակից: Լուգանո քաղաքի մոտ նրան հարվածել էր մեքենա: 39-ամյա մարզիկը տեղափոխվել էր հիվանդանոց, որտեղ նա վիրահատվել է: Բժիշկներն ուղղել են նրա ծնոտը և հեռացրել վնասված ատամները:
«Շնորհակալ եմ աջակցության ու բարեմաղթանքների համար: Ինձ հետ ամեն բան կարգին է: Անհամբերությամբ սպասում եմ մրցաշրջանի մեկնարկին: Առա՛ջ»,- թվիթերյան էջում գրել է Ալոնսոն:
Հիշեցնենք, որ նոր մրցաշրջանում իսպանացին հանդես է գալու «Ռենո» թիմի կազմում: 2018-ին Ալոնսոն հեռացել էր Ֆորմուլա-1-ից «Մաքլարենում» անցկացրած 4 մրցաշրջաններից հետո: Նախկինում նա հանդես է եկել նաև «Ռենոյում» ու «Ֆերարիում», իսկ Ֆորմուլա-1-ի չեմպիոնի տիտղոսը նվաճել է 2005-ին ու 2006-ին:
Alpine F1 Team Statement pic.twitter.com/P2yXlpyCBj
— Alpine F1 Team (@AlpineF1Team) February 12, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։