Միքայել Միքայելյանը հաջող ելույթ է ունեցել Մ-23 ԱԱ-ում

19:05   12 փետրվարի, 2021

Հայաստանի չեմպիոն Միքայել Միքայելյանը հաջող ելույթ է ունեցել դահուկավազքի աշխարհի մինչև 23 տարեկանների առաջնության ազատ ոճի 15 կմ մրցատարածությունում: 30 երկրների 71 մասնակցի հետ պայքարում նա 36։17.10 արդյունքով գրավել է 8-րդ տեղը (2020թ․-ին նա 11-րդն էր)։

Հայաստանի դահուկային սպորտի ֆեդերացիայի գլխավոր քարտուղար Գագիկ Սարգսյանն անդրադարձել է Միքայել Միքայելյանի ելույթին:

«Շնորհակալությունս ու խոնարհումն Արթուր և Ալլա Միքայելյաններին և նրանց որդիներ Սերգեյ և Միքայել Միքայելյաններին, որոնք իրենց անսահման նվիրումով, աշխատասիրությամբ և հայրենասիրությամբ պատմություն են կերտում։ Տարիներ առաջ ուղղակի ֆանտաստիկայի ժանրից էր երազել նման արդյունք, հավասարը հավասարի պայքարել և արդեն հաղթել պետությունների, որոնք միլիոնավոր եվրոներ են ներդնում նման արդյունքների համար, իսկ մենք բոլորս միասին անում ենք անհնարն ու անհավատալին․․ Այսօր Հայաստանի Հանրապետությունն ի դեմս Միքայել Միքայելյանի զիջել է միայն աշխարհի հզոր դահուկային պետություններից ընդամենը 5-ին՝ Գերմանիա, Նորվեգիա, Ֆրանսիա, Ռուսաստան և Շվեդիային․․ միայնակ հաղթել ֆիններին, կանադացիներին, ամերիկացիներին, շվեյցարացիներին, ավստրիացիներին, իտալացիներին, սլովենացիներին և այսպես շարունակ ... անչափ երջանիկ եմ այսօր, արդեն իսկ սկսում ենք քաղել մեր գիշեր ու զոր աշխատանքի պտուղները»,- ֆեյսբուքյան էջում գրել է Գագիկ Սարգսյանը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։