Ամստերդամի «Այաքսի» նորեկ Սեբաստյեն Հալերը հոլանդական ակումբին չի օգնի Եվրոպայի լիգայի այս մրցաշարում, հայտնում է ակումբի մամուլի ծառայությունը։
Փետրվարի 2–ին Եվրոպայի լիգայի մասնակիցները պետք է ներկայացնեին 25 ֆուտբոլիստից կազմված թարմացված հայտացուցակները, սակայն «Այաքսը» մոռացել էր հայտավորել ֆրանսիացի հարձակվողին։
Ակումբը դիմել է ՈւԵՖԱ–ին և խնդրել 26–ամյա Հալերին ընդգրկել հայտացուցակում, սակայն մերժում է ստացել։
Հիշեցնենք, որ «Այաքսն» այս ձմռանն էր ձեռք բերել Սեբաստյեն Հալերին, որի տրանսֆերի դիմաց 22.5 միլիոն եվրո էր վճարել անգլիական «Վեստ Հեմին»։ Դա հոլանդական ակումբի պատմության ամենաթանկ տրանսֆերն էր։
Եվրոպայի լիգայի 1/16 եզրափակիչում «Այաքսը» կմրցի ֆրանսիական «Լիլի» հետ։ Առաջին հանդիպումը տեղի կունենա փետրվարի 18–ին Ֆրանսիայում, իսկ պատասխան խաղը՝ մեկ շաբաթ անց Հոլանդիայում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։