«Բարսելոնան» լրացուցիչ ժամանակում հաղթեց «Գրանադային»՝ 5։3

02:29   4 փետրվարի, 2021

Իսպանիայի գավաթի խաղարկության քառորդ եզրափակիչում «Բարսելոնան» հյուրընկալվեց «Գրանադային» եւ առավելության հասավ միայն լրացուցիչ ժամանակում՝ 5։3։

Դաշտի տերերի բրազիլացի կիսապաշտպան Քենեդին 33-րդ րոպեին բացեց խաղի հաշիվը, իսկ 47-րդ րոպեին «Գրանադայի» առավելությունը կրկնապատկեց իսպանացի հարձակվող Ռոբերտո Սոլդադոն։

88-րդ րոպեին արգենտինացի հարձակվող Լիոնել Մեսիի փոխանցումից հետո ֆրանսիացի հարձակվող Անտուան Գրիզմանը կրճատեց հաշվի տարբերությունը։

Ավելացված երկրորդ րոպեին Գրիզմանի փոխանցումն օգտագործեց իսպանացի պաշտպան Ժորդի Ալբան եւ վերականգնեց հավասարությունը՝ պայքարը տեղափոխելով լրացուցիչ ժամանակ։

100-րդ րոպեին Գրիզմանը ձեւակերպեց դուբլ, սակայն 3 րոպե անց «Գրանադան» 11 մետրանոցից հավասարեցրեց հաշիվը։ 108-րդ րոպեին կատալոնական թիմին առաջ մղեց հոլանդացի կիսապաշտպան Ֆրենկի Դե Յոնգը, իսկ հյուրերի 5-րդ գոլը խփեց Ժորդի Ալբան։

«Բարսելոնան» դուրս եկավ կիսաեզրափակիչ։

Իսպանիայի գավաթ, քառորդ եզրափակիչ

«Գրանադա» - «Բարսելոնա»՝ 3:5 (հիմնական ժամանակ՝ 2։2), (տեսանյութ)

Քենեդի, 33, Ռոբերտո Սոլդադո, 47, Ֆեդե Վիկո, 103, 11մ - Անտուան Գրիզման, 88, 100, Ժորդի Ալբա, 90+2, 113, Ֆրենկի Դե Յոնգ, 108



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։