Տոկիոյի Օլիմպիական խաղերի հանդիսականներին կարգելվի բղավել եւ երգել
19:12 3 փետրվարի, 2021Տոկիոյի ամառային Օլիմպիական խաղերի կազմկոմիտեն ընդունել է որոշում, որով Խաղերի հանդիսականներին կարգելվի ստադիոններում եւ մարզապալատներում բղավել եւ երգել, հաղորդում է Խաղերի պաշտոնական կայքը։
Մարզիկներին հնարավոր կլինի աջակցել միայն ծափերով։ Կազմակերպիչները հույս ունեն այդ սահմանափակումներով կանխել կորոնավիրուսի տարածումը։
Ավելի վաղ Խաղերի կազմակոմիտեն եւ Միջազգային օլիմպիական կոմիտեն որոշել էին, որ Խաղերի մրցումների տոմս գնած երկրպագուները պետք է պարտադիր պատվաստված լինեն կորոնավիրուսի դեմ եւ ունենան կորոնավիրուսի թեստի բացասական պատասխան։
Կորոնավիրուսի համավարակի հետեւանքով մեկ տարով հետաձգված Տոկիոյի Խաղերը կանցկացվեն այս տարվա հուլիսի 23-ից օգոստոսի 8-ը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։