Սպորտի նախկին նախարարը պարգևատրվել է

17:10   1 փետրվարի, 2021

Հայաստանի ազգային օլիմպիական կոմիտեի նախագահ Գագիկ Ծառուկյանի հրամանագրով Արմեն Գրիգորյանն պարգևատրվել է ՀԱՕԿ-ի շքանշանով:

Նա այդ պատվին արժանացել է Հայաստանում ֆիզիկական կուլտուրայի, սպորտի, օլիմպիական գաղափարների տարածման ու զարգացման գործում ունեցած նշանակալի ծառայությունների համար, հաղորդում է ՀԱՕԿ-ի պաշտոնական կայքը:

Արմեն Գրիգորյանը սուսերամարտի ԽՍՀՄ տարբեր տարիքային առաջնությունների և միջազգային մրցաշարերի բազմակի հաղթող ու մրցանակակիր է: Աշխատել է ՀՀ սպորտի և երիտասարդության հարցերի նախարարության վարչության պետ, Հայսպորտպետկոմի նախագահի տեղակալ,  2007–2010թթ.՝ սպորտի նախարար:

Զուգահեռաբար կատարել է ՀԱՕԿ-ի և Համահայկական խաղերի համաշխարհային կոմիտեների գլխավոր քարտուղարի, այնուհետև նախագահի պարտականությունները: Գրեթե քառորդ դար ղեկավարում է Հայաստանի սուսերամարտի ֆեդերացիան: Արմեն Գրիգորյանը մանկավարժական գիտությունների դոկտոր-պրոֆեսոր է: Փետրվարի 1-ին լրացել է նրա ծննդյան 60 տարին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։