Սուլշեր․ Լինգարդն ու Ռոխոն կհեռանան «Մանչեսթեր Յունայթեդից»
19:47 29 հունվարի, 2021«Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը հաստատել է, որ թիմի պաշտպան Մարկոս Ռոխոն եւ կիսապաշտպան Ջեսի Լինգարդն առաջիկա օրերին կհեռանան իր ղեկավարած թիմից։
«Լինգարդը վարձակալությամբ կխաղա «Վեստ Հեմում»։ Մենք սպասում ենք նրա վերադարձին հետագայում։ Հույս ունեմ, որ նա ցույց կտա իր լավագույն որակները։
Ռոխոն կվերադառնա Արգենտինա։ Այդ գործարքի ձեւակերպման համար մնացել է լուծել մի երկու փաստաթղթի հետ կապված խնդիր։
Դեռ ոչինչ չեմ լսել Սերխիո Ռոմերոյի մասին։ Հնարավոր է՝ նա մնա թիմում մինչեւ այս մրցաշրջանի ավարտը»,- Սուլշերի խոսքը մեջբերում է Sky Sports-ը։
28-ամյա Լինգարդն արդեն ժամանել է Լոնդոն եւ բուժզննում կանցնի «Վեստ Հեմում»։ 30-ամյա Ռոխոն կմիանա արգենտինական «Բոկա Խունիորսին»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.