Իբրահիմովիչ․ Զլատանի աշխարհում տեղ չկա ռասիզմին
22:06 27 հունվարի, 2021«Միլանի» 39-ամյա շվեդ հարձակվող Զլատան Իբրահիմովիչը ռասիզմի վերաբերյալ գրառում է արել Թվիթերում։
Իտալիայի գավաթի խաղարկության քառորդ եզրափակիչում Իբրահիմովիչը բախում էր ունեցել «Ինտերի» սեւամորթ հարձակվող, Բելգիայի ներկայացուցիչ Ռոմելու Լուկակուի հետ։
Իտալական լրատվամիջոցները Իբրահիմովիչի շուրթերի շարժումից ենթադրել էին, որ նա Լուկակուին ասել է․ «Գնա, զբաղվիր քո վուդու-հիմարություններով, փոքր էշ»։
«Զլատանի աշխարհում տեղ չկա ռասիզմին։ Բոլորս նույն ռասայի ներկայացուցիչ ենք, բոլորս հավասար ենք, բոլորս ֆուտբոլիստ ենք։ Ոմանք ավելի լավն են, քան մյուսները»,- Թվիթերում գրել է Իբրահիմովիչը։
Առաջին խաղակեսի ավարտից հետո Լուկակուի հետ վիճաբանության հետեւանքով Իբրահիմովիչը ստացել էր դեղին քարտ, իսկ երկրորդ խաղակեսում հեռացվել էր երկրորդ դեղին քարտի համար։ «Միլանը» պարտվել էր 1։2 հաշվով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։