ՈւԵՖԱ-ն մտադիր է Եվրո-2020-ն անցկացնել 12 քաղաքներում
17:45 27 հունվարի, 2021ՈւԵՖԱ-ն մտադիր է կորոնավիրուսի համավարակի պատճառով մեկ տարով հետաձգված Եվրո-2020-ն անցկացնել ըստ նախապես ծրագրվածի՝ 12 քաղաքներում:
Independent-ի համաձայն՝ դրան չի խոչընդոտի նույնիսկ տրիբունաներում 25 տոկոս երկրպագուների առկայությունը: Եվրոպայի առաջնությունը մեկ երկրում անցկացնելու տարբերակն այս պահին արդիական չէ:
Հիշեցնենք, որ կորոնավիրուսի համավարակի պատճառով Եվրոպայի առաջնությունը հետաձգվել էր մեկ տարով և կանցկացվի 2021 թվականի հունիսի 11-ից հուլիսի 11-ը: Եվրոպայի առաջնության եզրափակիչ մրցաշարն առաջին անգամ պետք է տեղի ունենա 12 քաղաքներում՝ Լոնդոնում, Մյունխենում, Հռոմում, Կոպենհագենում, Բուխարեստում, Ամստերդամում, Դուբլինում, Բիլբաոյում, Բուդապեշտում, Սանկտ Պետերբուրգում, Գլազգոյում եւ Բաքվում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։