Մոսկվայի «Սպարտակի» ռուս հարձակվող Ալեքսանդր Կոկորինը պայմանագիր է կնքել իտալական «Ֆիորենտինայի» հետ, hաղորդում է ակումբի մամուլի ծառայությունը:
29-ամյա ֆուտբոլիստի պայմանագիրն իտալական ակումբի հետ նախատեսված է մինչև 2024 թվականի ամառ: Ոչ պաշտոնական տվյալներով, նրա տրանսֆերը կազմել է 4.5 միլիոն եվրո:
Կոկորինն արդեն միացել է «Ֆիորենտինային» և անցկացրել առաջին մարզումը:
Ընթացիկ մրցաշրջանում ռուս հարձակվողը «Սպարտակի» կազմում անցկացրել է 10 հանդիպում, դարձել 2 գոլի ու մեկ գոլային փոխանցման հեղինակ: Նա 2020 թվականին Սանկտ Պետերբուրգի «Զենիթից» էր տեղափոխվել «Սպարտակ»: Նախկինում հարձակվողը հանդես է եկել նաև ռուսական «Սոչիում», «Դինամոյում» ու «Անժիում»:
Kokorin #ForzaViola #Fiorentina pic.twitter.com/DNluxzrZWm
— ACF Fiorentina (@acffiorentina) January 27, 2021
Kokorin è Viola #ForzaViola #Fiorentina pic.twitter.com/kSkjEyIw6G
— ACF Fiorentina (@acffiorentina) January 27, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։