Կատալոնական «Բարսելոնայի» նախագահի ընտրությունը տեղի կունենա մարտի 7-ին, hաղորդում է ակումբի մամուլի ծառայությունը:
Կորոնավիրուսի համավարակի պայմաններում քվերակությանը հնարավոր կլինի մասնակցել նաև փոստի միջոցով:
«Բարսելոնայի» նախագահի ընտրությունը հետաձգվել էր կորոնավիրուսի համավարակի պատճառով։ Ակումբն ավելի վաղ հայտնել էր, որ կորոնավիրուսային սահմանափակումների հետեւանքով հնարավոր չի լինի ընտրությունն անցկացնել հունվարի 24-ին։
Հիշեցնենք, որ «Բարսելոնայի» նախագահի պաշտոնի համար կպայքարեն ակումբի նախկին նախագահ Ժոան Լապորտան, Վիկտոր Ֆոնտը և Տոնի Ֆրեյշան։
«Բարսելոնայի» նախագահի պաշտոնը թափուր է դարձել Խոսեպ Մարիա Բարտոմեուն հրաժարականից հետո: Բարտոմեուն կատալոնական ակումբը ղեկավարում էր 2014 թվականից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։