Լոնդոնի «Չելսին» պաշտոնապես հայտարարեց գլխավոր մարզիչի պաշտոնում Թոմաս Տուխելին նշանակելու մասին։ 2,5 տարի ՊՍԺ-ն գլխավորած մասնագետը փոխարինեց անգլիացի Ֆրենկ Լեմպարդին։ Նա դարձավ «Չելսիի» առաջին գերմանացի գլխավոր մարզիչը, հաղորդում է ակումբի պաշտոնական կայքը։
«Չելսին» Տուխելի հետ կնքել է 18 ամսվա պայմանագիր, երկարաձգելու հնարավորությամբ։
«Չելսիի» ֆուտբոլիստներից Կրիստիան Պուլիշիչը Տուխելի ղեկավարությամբ խաղացել է Դորտմունդի «Բորուսիայում», Տիագո Սիլվան՝ ՊՍԺ-ում։
Անգլիական թիմն այսօր առաջին մարզումը կանցկացնի Տուխելի գլխավորությամբ, իսկ հունվարի 27-ին Անգլիայի առաջնության 20-րդ տուրի խաղում կմրցի «Վուլվերհեմփթոնի» հետ։
«Չելսին» Պրեմիեր լիգայի 19 տուրից հետո 29 միավորով 9-րդ տեղում է։
Տուխելի ղեկավարությամբ ՊՍԺ-ն երկու անգամ դարձել է Ֆրանսիայի չեմպիոն, մեկական անգամ՝ Ֆրանսիայի գավաթակիր եւ Ֆրանսիական լիգայի գավաթակիր։ Չեմպիոնների լիգայի անցած մրցաշրջանում ՊՍԺ-ն հասավ եզրափակիչ եւ 0։1 հաշվով պարտվեց Գերմանիայի չեմպիոն Մյունխենի «Բավարիային»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։