«Բարսելոնայի» շահույթը կազմել է 48.4 միլիոն եվրո

17:10   23 սեպտեմբերի, 2012

«Բարսելոնայի» ղեկավարությունը հրապարակել է ֆինանսական զեկույց 2011/2012 մրցաշրջանի արդյունքներով: Ակումբի շահույթն անցյալ մրցաշրջանում կազմել է 48.4 միլիոն եվրո: Կատալոնական ակումբի նախագահ Սանդրո Ռոսելի կարծիքով դա թույլ կտա մոտակա ժամանակահատվածում չբարձրացնել տոմսերի գները, հայտնում է AS-ը:

Հիշեցնենք, որ Իսպանիայի առաջնության 5-րդ տուրում սեպտեմբերի 22-ին «Բարսելոնան» 2:0 հաշվով հաղթել է «Գրանադային»: 87-րդ րոպեին հաշիվը բացել է Չավի Հերնանդեսը, իսկ երեք րոպե անց ինքնագոլի հեղինակ է դարձել Բորխա Գոմեսը: Կատալոնական ակումբը 15 միավորով գլխավորում է մրցաշարային աղյուսակը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։