Իր նախկին ակումբը գլխավորելուց 3 ամիս անց Սկոլարին հեռացել է

23:42   25 հունվարի, 2021

Լոնդոնի «Չելսիի», Բրազիլիայի և Պորտուգալիայի ազգային հավաքականների նախկին գլխավոր մարզիչ Լուիս Ֆելիպե Սկոլարին հեռացել է բրազիլական «Կրուզեյրոյից», տեղեկացնում է ակումբի մամուլի ծառայությունը:

72-ամյա մասնագետի պայամնագիրը խզվել է երկկողմ համաձայնությամբ: Սկոլարին հոկտեմբերին էր գլխավորել «Կրուզեյրոն», որի հետ կնքել էր 2 տարվա պայմանագիր: Նրա գլխավորությամբ թիմը տարել է 9 հաղթանակ, կրել 4 պարտություն, գրանցել 8 ոչ ոքի և պահպանել տեղը Բրազիլիայի երկրորդ դիվիզիոնում:

Հիշեցնենք, որ Սկոլարին բրազիլական ակումբը գլխավորել էր նաև 2000-2001 թվականներին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։