Մադրիդի «Աթլետիկոյի» ուրուգվայցի հարձակվող Լուիս Սուարեսը, գոլի հեղինակ դառնալով «Վալենսիայի» դեմ Իսպանիայի առաջնության 20-րդ տուրի խաղում (3։1), սահմանել է տպավորիչ ցուցանիշ:
Լա լիգայում 34-ամյա Սուարեսն «Աթլետիկոյի» կազմում անցկացրած 15 մեկնարկային խաղերում խփել է 12 գոլ:
Դա Իսպանիայի առաջնությունում նոր թիմի կազմում լավագույն մեկնարկն է «Ռեալի» նախկին հարձակվող Կրիշտիանու Ռոնալդուի ժամանակներից հետո: Այժմ Թուրինի Յուվենտուսում» խաղացող 35-ամյա Ռոնալդուն 2009/10 մրցաշրջանում «Ռեալի» կազմում 13 գոլ էր խփել մեկնարկային 15 խաղերում, հայտնում է Opta Sports-ը:
Հիշեցնենք, որ Լուիս Սուարեսն այս մրցաշրջանից առաջ կատալոնական «Բարսելոնայից» է տեղափոխվել «Աթլետիկո»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։