«Հոֆենհայմը» հաղթեց Սարգիս Ադամյանի հետ

22:50   24 հունվարի, 2021

Ֆուտբոլի Գերմանիայի առաջնության 18-րդ տուրում «Հոֆենհայմը» 3:0 հաշվով տնային հաղթանակ տարավ «Քյոլնի» նկատմամբ: Դուբլի հեղինակ դարձավ խորվաթ հարձակվող Անդրեյ Կրամարիչը, որը 2 գոլերն էլ խփեց 11 մետրանոց հարավածով:

Հայաստանի ազգային հավաքականի հարձակվող Սարգիս Ադամյանը «Հոֆենհայմի» պահեստայինների թվում էր և փոխարինման դուրս եկավ 75-րդ րոպեին: 27-ամյա Ադամյանը «Հոֆենհայմի» մեկնարկային կազմում նախորդ անգամ հանդես եկել է 2019-ի դեկտեմբերի 17-ին, երբ Բունդեսլիգայի նախորդ մրցաշրջանի խաղում խաղացել է «Ունիոն Բեռլինի» դեմ: Գերմանիայի ընթացիկ առաջնությունում նա մասնակցել է 9 խաղի ու դարձել մեկ գոլի ու 2 գոլային փոխանցման հեղինակ:

«Հոֆենհայմը» 22 միավորով 11-րդ տեղում է: «Քյոլնն» ունի 15 միավոր և 16-րդն է:

Գերմանիայի առաջնություն, 18-րդ տուր

«Հոֆենհայմ» - «Քյոլն»՝ 3:0 

Անդրեյ Կրամարիչ, 7 (11մ), 75 (11մ), Կրիստոֆ Բաումգարտներ, 28

Չիրացված 11 մետրանոց՝ Անտոնի Մոդեստ, 78 («Քյոլն»)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։