Տիգրան Բարսեղյանը և Անդրեյ Տիխոնովն այցելել են սահմանափակ հնարավորություններով երեխաների (ֆոտո)
20:22 23 հունվարի, 2021Հայաստանի ազգային հավաքականի հարձակվող Տիգրան Բարսեղյանը ղազախական «Աստանայում» իր ակումբակից Մեյրամբեկ Կալմիրզայի ու թիմի գլխավոր մարզիչ Անդրեյ Տիխոնովի հետ այցելել են «Нұрлы жүрек» կենտրոն, որտեղ հանդիպել են սահմանափակ հնարավորություններով երեխաների հետ, hաղորդում է ակումբի մամուլի ծառայությունը:
Ֆուտբոլիստները FIFA 21 համակարգչային խաղ են խաղացել երեխաների հետ, հաղորդակցվել ու բաժանել ինքնագրեր: Նրանք նաև հանձնել են նվերներ, այդ թվում՝ Sony Playstation համակարգիչ:
Հիշեցնենք, որ Ղազախստանի ավարտված առաջնությունում Բարսեղյանը մասնակցել է 18 խաղի, դարձել 3 գոլի ու 7 գոլային փոխանցման հեղինակ: Transfermarkt-ի ու Sports.kz կայքի վարկածով հայ հարձակվողն ընդգրկվել էր մրցաշրջանի խորհրդանշական հավաքականում:
Ավելի վաղ Տիգրան Բարսեղյանը NEWS.am Sport-ի թղթակցի հետ զրույցում ամփոփել էր ավարտվող տարին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։