«Լացիոն» պայմանագիր է կնքել 17-ամյա խաղացողի հետ, որը նոր է սկսում կարիերան (ֆոտո)

Իտալական «Լացիոն» պայմանագիր է կնքել կոտդիվուարցի ֆուտբոլիստ Լարսոն Կուլիբալիի հետ: 17-ամյա խաղացողը հանդես կգա հռոմեացիների երկրորդ թիմում:

LazioLand-ի համաձայն՝ «Լացիոյի» ակադեմիայի տնօրեն Մաուրո Բյանկեսին Կուլիբալիին հայտնաբերել է բակային մրցաշարերից մեկում: Կոտդիվուարցին Հռոմ է ժամանել մենակ աշխատանք գտնելու նպատակով:

Մաուրո Բյանկեսին պատմել է, որ սոցիալական աշխատողներից մեկը նրան առաջարկել է դիտել ֆուտբոլիստի խաղը, ինչն անելուց հետո մասնագետը պայմանագիր է առաջարկել նրան:

The 17y old Larsson Koulibaly joining our primavera, discovered by Bianchessi himself in the streets of Rome after arriving from the Ivory Cost. It's claimed he's got an incredible natural talent. Up to Rocchi now to see what he can do. #Lazio #Koulibaly pic.twitter.com/TQ9LkGkUgM

— LazioLand (@Lazio_Land) January 20, 2021