Կատալոնական «Բարսելոնայի» բողոքարկումը մերժվել է արգենտինացի հարձակվող Լիոնել Մեսիի որակազրկման վերաբերյալ, հաղորդում է AS-ը։
33-ամյա ֆուտբոլիստը երկու խաղով որակազրկվել էր Իսպանիայի Սուպերգավաթի եզրափակիչում Բիլբաոյի «Աթլետիկի» հարձակվող Ասիեր Վիլյալիբրեի գլխին հարվածելու համար: Այդ արարքի համար Մեսին առաջին կարմիր քարտն էր ստացել կատալոնական ակումբում անցկացրած 753 խաղում։
Բողոքարկման կոմիտեն ուժի մէջ է թողել արգենտինացու որակազրկումը: Նա նաև կվճարի 600 եվրո տուգանք, իսկ «Բարսելոնան»՝ 100 եվրո:
Հունվարի 21-ին Մեսին բաց թողեց «Կորնելիայի» հետ հանդիպումը (2:0) Իսպանիայի գավաթի խաղարկությունում, ինչպես նաև չի մասնակցի «Էլչեի» հետ Իսպանիայի առաջնության հաջորդ տուրի խաղին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։