Ռոնալդու. Մենք վերադարձանք (ֆոտո)

Իտալիայի չեմպիոն Թուրինի «Յուվենտուսի» պորտուգալացի հարձակվող Կրիշտիանու Ռոնալդուն Իտալիայի Սուպերգավաթի խաղում «Նապոլիի» նկատմամբ 2:0 հաշվով հաղթանակից հետո կիսվել է տպավորություններով:

«Շատ գոհ եմ Իտալիայում իմ չորրորդ տիտղոսով: Մենք վերադարձանք: Սա այն «Յուվենտուսն» է, որին մենք սիրում ենք: Սա թիմ է, որին մենք հավատում ենք, կա ոգի, որը տանում է հաղթանակների ցանկության: Հրաշալի աշխատանք է, տղաներ»,- թվիթերյան էջում գրել է 35-ամյա ֆուտբոլիստը:

Հիշեցնենք, որ Ռոնալդուն այդ խաղում դարձավ բոլոր ժամանակների լավագույն ռմբարկուն՝ պաշտոնական հանդիպումներում խփելով 760-րդ գոլը։ Նա գերազանցեց չեխ լեգենդար հարձակվող Յոզեֆ Բիցանի ռեկորդը՝ 759 գոլ (1931-1955 թվականներին)։ Ռոնալդուն Լիսաբոնի «Սպորտինգում», անգլիական «Մանչեսթեր Յունայթեդում», Մարդիդի «Ռեալում», «Յուվենտուսում» եւ Պորտուգալիայի հավաքականում անցկացրել է 1036 հանդիպում։

Very happy with my 4th title in Italy... We are back! This is the Juve we love, this is the team we trust and this is the spirit that will lead to the wins we want! Well done, guys! Fino Alla Fine!  pic.twitter.com/NoU2ux39gW

— Cristiano Ronaldo (@Cristiano) January 20, 2021