«Փյունիկ» ՖԱ-ի ղեկավար կազմում տեղի են ունեցել նոր նշանակումներ։
«Փյունիկ» ՖԱ-ի փոխնախագահ Ռոբերտ Գասպարյանը կզբաղեցնի նաև ակումբի գլխավոր տնօրենի պաշտոնը, հաղորդում է ակումբի մամուլի ծառայությունը։
Ռոբերտ Գասպարյանին նոր պաշտոնում կօգնի Կիմ Առաքելյանը, որը ՀՖՖ գործադիր կոմիտեի անդամ է։
Փոփոխություն է տեղի ունեցել նաև «Փյունիկ» ակադեմիայի ղեկավար կազմում։ Տեխնիկական տնօրենի պաշտոնը կզբաղեցնի Գորան Ալեքսիչը։
Սերբ մասնագետը մարզչական գործունեություն է ծավալել Սերբիայի ազգային և Մ17 տարեկանների հավաքականներում, սերբական «Չուկարիչկի», «Ռադնիչկի», ռուսական «Ամկար», «Զվեզդա-2005», «Տյումեն», «Ռյազան» և չինական «Չանչուն Յատայ» ակումբներում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։