Exclusive. Վարազդատ Հարոյանը չի մասնակցում «Տամբովի» հավաքին
13:30 20 հունվարի, 2021Ֆուտբոլի Հայաստանի ազգային հավաքականի պաշտպան Վարազդատ Հարոյանը չի մասնակցում ռուսական «Տամբովի» հավաքին: Ռուսաստանի Պրեմիեր լիգայի ներկայացուցիչը մրցաշրջանի երկրորդ հատվածի նախապատրաստությունը սկսել է Կրիմսկ քաղաքում:
NEWS.am Sport-ին հայտնի դարձավ, որ Վարազդատ Հարոյանը ժամանել է Հայաստան և Երևանում է մարզվում մարզավիճակ պահպանելու համար: Չի բացառվում, որ ձմեռային տրանսֆերային պատուհանի ընթացքում 28-ամյա ֆուտբոլիստը կտեղափոխվի այլ ակումբ:
Հայաստանի ազգային հավաքականի հարձակվող Ալեքսանդր Կարապետյանը մասնակցում է «Տամբովի» հավաքին: Օրեր առաջ «Տամբովի» նախագահ էր դարձել ֆուտբոլային ֆունկցիոներ Վալերի Հովհաննիսյանը: Ակումբն ունի մեծ պարտքեր և վաղուց աշխատավարձ չի վճարում ֆուտբոլիստներին:
Հիշեցնենք, որ Վարազդատ Հարոյանն այս մրցաշրջանից առաջ Եկատերինբուրգի «Ուրալից» է տեղափոխվել «Տամբով», որի կազմում մասնակցել է Ռուսաստանի ընթացիկ առաջնության 8 հանդիպման: Դրանից առաջ նա «Ուրալում» հանդես էր գալիս 2017 թվականից: Նախկինում Հարոյանը խաղացել է նաև Երևանի «Փյունիկում» ու Իրանի «Փադիդեհ» ակումբներում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։