«Միլանը» Իտալիայի առաջնության 18-րդ տուրում «Կալյարիի» նկատմամբ 2։0 հաշվով արտագնա հաղթանակի շնորհիվ կրկնել է ակումբային ռեկորդ, հայտնում OptaPaolo-ն:
Ստեֆանո Պիոլիի գլխավորած թիմն արտագնա խաղերում անպարտելի շարքը հասցրել է 16 հանդիպման: «Միլանը» նմանատիպ ռեկորդային շարք ունեցել էր 2003-ի սեպտեմբերից 2004-ի ապրիլը:
Բացի այդ, 18 տուրերում միլանցիները հավաքել են 43 միավոր, ինչն ակումբի լավագույն արդյունքն է 2003/04 մրցաշրջանից հետո: Այդ տարի թիմը հավաքել էր 45 միավոր:
Հիշեցնենք, որ «Միլանը» 3 միավորի առավելություն ունի երկրորդ տեղում ընթացող «Ինտերի» նկատմամբ։ Լավագույն եռյակը եզրափակում է 34 միավոր հավաքած «Նապոլին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։