Դորտմունդի «Բորուսիայի» նորվեգացի հարձակվող Էրլինգ Հոլանդը կարող է տեղափոխվել Լոնդոնի «Չելսի»:
The Athletic-ի համաձայն՝ 20-ամյա ֆուտբոլիստը դարձել է անգլիական ակումբի գլխավոր տրանսֆերային նպատակն ամառային պատուհանի ընթացքում: Հոլանդին ձեռք բերելու համար «Չելսին» պատրաստ է գերազանցել ակումբի տրանսֆերային ռեկորդը:
«Բորուսիայի» ու նորվեգացի հարձակվողի միջև պայմանագրում կա կետ, որի համաձայն՝ 2022-ի ամռանը նրան հնարավոր է ձեռք բերել 75 միլիոն եվրոյով: «Չելսին» կփորձի Հոլանդին գնել ավելի շուտ, մինչ մյուս ակումբները կսպասեն նրա տրանսֆերային գնի նվազմանը:
Էրլինգ Հոլանդը մեկ տարի առաջ ավստրիական «Զալցբուրգից» է տեղափոխվել գերմանական ակումբ: Գերմանիայի ընթացիկ առաջնությունում նա մասնակցել է 11 խաղի, դարձել 12 գոլի ու 2 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։