Ֆուտբոլի Հայաստանի հավաքականի 25-ամյա կիսապաշտպան Արտյոմ Սիմոնյանը տեղափոխվեց Ռուսաստանի Առաջին դիվիզիոնում հանդես եկող «Տոմ», հաղորդում է Տոմսկի ակումբի մամուլի ծառայությունը։ Պայմանգիրը նախատեսված է մինչեւ այս մրցաշրջանի ավարտը։
Մրցաշրջանի առաջին կեսի ընթացքում Արտյոմ Սիմոնյանը Երևանի «Նոայի» հետ մասնակցել է 10 հանդիպման, խփել 3 գոլ, կատարել 2 գոլային փոխանցում։
Արտյոմ Սիմոնյանը 2020 թվականի ամռանը Երևանի «Արարատից» էր տեղափոխվել «Նոա», որի կազմում դարձել է Հայաստանի փոխչեմպիոն, գավաթակիր ու սուպերգավաթակիր: Նա ռուսական «Զենիթի» սան է: Նախկինում հանդես է եկել նաև շվեյցարական «Ցյուրիխում», «Լե Մոնում», Երևանի «Փյունիկում» ու «Ալաշկերտում»:
Արտյոմ Սիմոնյանը 10 հանդիպում է անցկացրել Հայաստանի ազգային հավաքականի կազմում:
Ռուսաստանի առաջին դիվիզիոնի առաջնության 26-րդ տուրից հետո «Տոմը» 17 միավորով նախավերջին՝ 21-րդ տեղում է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։