Հունտելարը փոխարինման է դուրս եկել 89-րդ րոպեին և գրանցել հաղթական դուբլ

14:45   15 հունվարի, 2021

Ամստերդամի «Այաքսի» հարձակվող Կլաս-Յան Հունտելարը տպավորիչ արդյունավետություն է ցուցադրել «Տվենտեի» դեմ Հոլանդիայի առաջնության 16-րդ տուրի արտագնա խաղում (3:1):

Հոլանդիայի հավաքականի, Մադրիդի «Ռեալի» ու իտալական «Միլանի» նախկին հարձակվողը 1:1 հաշվի ժամանակ փոխարինման է դուրս եկել 89-րդ րոպեին, իսկ մեկ րոպե անց առաջ է մղել «Այաքսին»: Հաջորդ րոպեին 37-ամյա ֆուտբոլիստը նաև դուբլ է ձևակերպել:

Հոլանդիայի ընթացիկ առաջնությունում Հունտելարը մասնակցել է 11 խաղի և դարձել 7 գոլի հեղինակ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։