14:30 14 հունվարի, 2021Ֆուտբոլի Հայաստանի Պրեմիեր լիգայի նորեկ Չարենցավանի «Վանում» տեղի է ունեցել գլխավոր մարզիչի փոփոխություն:
NEWS.am Sport-ին հայտնի դարձավ, որ «Վանը» մրցաշրջանի երկրորդ հատվածին նախապատրաստվում է ուկրաինացի մասնագետ Կոնստանտին Զայցևի գլխավորությամբ: 37-ամյա մարզիչն արդեն սկսել է աշխատանքը հայկական ակումբում:
Ուկրաինայի ու Ռուսաստանի քաղաքացիություն ունեցող, Դոնեցկում ծնված Կոնստանտին Զայցևը 2019 թվականից գլխավորում էր Սանկտ Պետերբուրգի «Զվեզդան»: Նա մարզչական կարիերան սկսել է 2019-ին և աշխատել է նաև ռուսական «Ալգորիտմ» ակումբում:
«Վանից» հեռացել է ինչպես գլխավոր մարզիչ Սևադա Արզումանյանը, այնպես էլ ակումբի փոխնախագահ Կարեն Բարսեղյանը և ադմինիստրատիվ կազմը:
Հիշեցնենք, որ «Վանն» այս մրցաշրջանում է նորամուտը նշել Հայաստանի Պրեմիեր լիգայում: Նախորդ մրցաշրջանում թիմը Կարեն Բարսեղյանի գլխավորությամբ հանդես էր գալիս Առաջին խմբի առաջնությունում, իսկ ուժեղագույնների լիգայի ուղեգիր նվաճելուց հետո նրան փոխարինեց Սևադա Արզումանյանը: Հայաստանի ընթացիկ առաջնությունում «Վանը» 11 խաղից հետո 10 միավորով 7-րդ տեղում է:
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.