Վրաստանի հավաքականի ֆուտբոլիստը Պորտուգալիայից տեղափոխվեց Ռուսաստան
19:47 13 հունվարի, 2021Վրաստանի հավաքականի հարձակվող Գիորգի Արաբիձեն պորտուգալական «Նասիոնալից» տեղափոխվել է Ռուսաստանի Պրեմիեր լիգայում հանդես եկող «Ռոտոր»։ 22-ամյա ֆուտբոլիստը հայտնել է, որ արդեն պայմանագիր է կնքել Վոլգոգրադը ներկայացնող ակումբի հետ։
«Թիմի գլխավոր մարզիչ Ալեքսանդր Խացկեւիչն ինձ ճանաչում է Ուկրաինայից, երբ Կիեւի «Դինամոյի» գլխավոր մարզիչն էր, իսկ ես հանդես էի գալիս Դոնեցկի «Շախտյորի» պահեստային թիմում։ «Ռոտորը» «Նասիոնալի» հետ պայմանավորվել է կես տարվա վարձակալության մասին, սակայն ես չեմ ցանկանում վերադառնալ Պորտուգալիա։ Վարձակալության պայմանագրում կա իմ տրանսֆերը գնելու կետ»,- Արաբիձեի խոսքը մեջբերում է Sportbox-ը։
Անցած մրցաշրջանը Արաբիձեն սկսել էր թուրքական «Ադանասպորում»։ 2020թ․ ամռանը Պորտուգալիա վերադառնալուց հետո նա չընդգրկվեց «Նասիոնալի» հայտացուցակում եւ մարզվել է անհատական ծրագրով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.