Թուրինի «Յուվենտուսի» պորտուգալացի հարձակվող Կրիշտիանու Ռոնալդուն Ինստագրամում արած գրառումով մեկնաբանել է 3։1 հաշվով հաղթանակը «Սասուոլոյի» նկատմամբ Իտալիայի առաջնության 17-րդ տուրի խաղում։ Ռոնալդուն այս խաղում խփեց «Յուվենտուսի» երրորդ գոլն արդեն ավելացված ժամանակի վերջին րոպեին։
«Հերթական կարեւոր 3 միավորը։ Ուրախ եմ ներդրում ունենալ այս հաղթանակում։ Շարունակում ենք նույն ոգով»,- գրել է Ռոնալդուն։
View this post on Instagram
Ընթացիկ մրցաշրջանում Ռոնալդուն «Յուվենտուսի» հետ բոլոր մրցաշարերում մասնակցել է 17 հանդիպման, խփել 19 գոլ, կատարել 2 գոլային փոխանցում։
35-ամյա ֆուտբոլիստը 759-րդ գոլն է խփել կարիերայում՝ կրկնելով պաշտոնական խաղերում խփած գոլերի համաշխարհային ռեկորդը, որը պատկանում է չեխական ֆուտբոլի լեգենդ Յոզեֆ Բիցային: Նա 759 գոլի հեղինակ է դարձել 1931-1955 թվականներին: Այդ ցուցանիշով երրորդ տեղում է բրազիլացի լեգենդար հարձակվող Պելեն, որը 812 պաշտոնական խաղում խփել է 757 գոլ։
Ռոնալդուն Լիսաբոնի «Սպորտինգում», անգլիական «Մանչեսթեր Յունայթեդում», Մադրիդի «Ռեալում», «Յուվենտուսում» եւ Պորտուգալիայի հավաքականում անցկացրել է 1034 հանդիպում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։