Մանուել Նոյերը՝ 2020թ․ Գերմանիայի լավագույն խաղացող
16:20 10 հունվարի, 2021Մյունխենի «Բավարիայի» դարպասապահ Մանուել Նոյերը ճանաչվել է 2020թ․ Գերմանիայի լավագույն խաղացող, հաղորդում է Գերմանիայի ֆուտբոլային միության պաշտոնական կայքը։
«34-ամյա Նոյերը «Բավարիայի» հետ անցած մրցաշրջանում նվաճել է հնարավոր բոլոր տիտղոսները, 5-րդ անգամ ճանաչվեց աշխարհի լավագույն դարպասապահ։ Ազգային հավաքականի երկրպագուները նույնպես քվեարկել են Նոյերի օգտին (57,8 տոկոս)՝ ճանաչելով անցած տարվա լավագույն խաղացողը Գերմանիայում։ Երկրորդ տեղում է Սերժ Գնաբրին՝ 15 տոկոս, Մատիաս Գինտերը երրորդն է՝ 9,3 տոկոս»,- նշվում է Միության կայքում։
Հիշեցնենք, որ «Բավարիան» անցած մրցաշրջանում դարձել է Գերմանիայի չեմպիոն, գավաթակիր, սուպերգավաթակիր, Չեմպիոնների լիգայի հաղթող, Եվրոպայի սուպերգավաթակիր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։